Ons Skool

Laerskool Pietersburg-Oos staan op die grondslag van die Bybel as die Woord van God en bely dat die Woord rigtinggewend is vir die hele lewe. Die grondslag en karakter van Laerskool Pietersburg-Oos word verskans in sy grondwet, verwerklik deur personeel, oorgedra aan leerlinge, verbeeld in die ampswapen, verwoord in die leuse en vergestalt in die missie.

Ons is ten volle verbind tot die begeleiding en vorming van die totale kind om volle individuele potensiaal optimaal te verwesenlik tot voordeel van hom/haarself en ander vanuit ‘n Christelike perspektief en waardestelsel in vennootskap met ouers en selfverwesenliking van ons personeel.

Stigtingsdatum : 12 Januarie 1972. Geleë aan die Oostekant van Polokwane en was die sesde laerskool in die dorp. Die skool was oorspronklik gebou vir 250 leerlinge en het net 10 klaskamers gehad. Die skool was so beplan dat dit vergroot kon word.

Eerste skoolhoof:

Mnr R du Preez: 1972-1975
Mnr R Jacobs: 1976 (waarnemend)
Mnr L Gravett: 1977 – Augustus 1982
Mnr S van der Lith: Augustus 1982 – Julie 1983
Mnr H P Plomp: Augustus 1983 – 1991
Mnr W A Joubert: 1992 (waarnemend)
Mnr D P Oelofse: 1993 – 2007
Mnr J L Vertongen: 2008 – Junie 2009 (waarnemend)
Mnr CC Snyman:  Julie 2009 – Oktober 2013
Me L Olivier:  November 2013 – Junie 2015 (waarnemend)
Mnr G Pelzer:  Julie 2015  – huidiglik

Die skoolwapen is ontwerp deur ‘n vorige ouer van die skool, me Berta Meyer. Dit bestaan uit ‘n oranje skild met ‘n vertikale baan in die middel met ‘n silwer sleutel daarop. Die leuse, Glo en Bou, verskyn in groen op ‘n oranje lint onderaan. Op ‘n horisontale balk bo-aan staan die woorde Pietersburg-Oos, ook in groen. Die simboliek word weerspieël in die leuse wat die skepping was van ds JJ Odendaal van die NG Gemeente Pietersburg-Oos.

Glo in God
In jou volk (gemeenskap, skool)
In jouself.
Bou jou persoonlikheid
Jou volk (gemeenskap, skool)
Die Koninkryk van God.
Wie so Glo en Bou
Ontsluit sy persoonlikheid
En sluit ‘n toekoms oop – tydelik en ewiglik.